کاپیسا ولایت کې د مسعود جان کانال د پروژې د چارو د پيل په هکله خبرې، اترې وشوې
د کاپیسا سیندیزې فرعي حوزې رئيس محترم انجنیر کاوه خروش د جهان ودانیز شرکت له استازي محترم انجنیر جهادالله سره وکتل او د کاپیسا ولایت د مرکز محمود راقي اړوند په نو آباد کلي کې د مسعود جان کانال د پروژې د چارو د پیل په هکله یې بحث او د اندونو تبادله وکړه.
نوموړې پروژه د کاپیسا سیندیزې فرعي حوزې اړوند د ملګرو ملتونو د خوړو او کرنې سازمان له لوري د جهان له ودانیز شرکت سره د ( 118749) آمریکایي ډالرو په ارزښت قرارداد شوی، چې د کانال په اوږدو کې ۴۰ دهنې، ۵ پلي پل ګوټي او ۱۱ موټر تلونکي پل ګوټي جوړیږي او د ۲۰۰۰ متر مکعب سنګ کاري په اندازه د کانال بازو به په پاخه او اساسي ډول جوړ شي.
