کندز ولایت کې د ۷ کانالونو لپاره میر آب باشان وټاکل شول
د کندز ولایت د قلعه ذال ولسوالي د ۷ کانالونو لپاره میر آب باشان د یوې غونډې په ترڅ کې د پنج آمو سیندیزې حوزې عمومي رئيس محترم مولوي عبدالحکیم حاجي حکمت او د نوموړې ولسوالي د یو شمېر سیمه ییزو مسؤلینو په شتون کې وټاکل شول.
ښاغلي حاجي حکمت په دغه غونډه کې د میر آب باشانو د کړنلارې په هکله بشپړ معلومات وړاندې کړل او له نویو میر آب باشانو څخه یې وغوښتل چې خپلې دندې په ښه توګه پرمخ یوسي.
د یادونې وړ ده، چې د میر آب باشانو د کړنلارې پر بنسټ د هر کانال لپاره د کروندګرو په خوښه میر آب باش د ۳ کلونو لپاره ټاکل کېږي.
