کنړ ولایت کې د پشد چکډم د جوړېدو چارې د څه باندې دوه میلیونه افغانیو په لګښت پیل شوې
د کنړ ولایت د سرکاڼو ولسوالي اړوند د پشد چکډم د جوړېدو چارې د 2.2 میلیونه افغانیو په لګښت پيل شوې
دغه چکډم د 37.5 متره په اوږدوالي او د 6.5 متره په لوړوالي سره جوړیږي، چې د 3800 متره مکعب اوبو د زېرمه کولو وړتیا به ولري.
د نوموړي چکډم چارې د اوبو او انرژي وزارت په مالي لګښت د کنړ ولایت د اوبو او انرژي ریاست تر څارنې لاندې پرمخ وړل کېږي او چارې به یې د ۹ اونیو په موده کې بشپړې او ګټې اخیستنې ته وسپارل شي.
