د اوبو او انرژي وزارت د اوبو معین د پورتني پنجشیر بازارک سیندیزې فرعي حوزې څخه لیدنه وکړه
د اوبو او انرژي وزارت د اوبو معین محترم مجیب الرحمن عمر آخندزاده او د کابل سیندیزې حوزې عمومي رئیس انجنیر حبیب الرحمن حقپال او ورسره مل تخنیکي ټیم، پنجشیر ولایت ته د خپل سفر په ترڅ کې د پورتني پنجشیر بازارک سیندیزې فرعي حوزې څخه لیدنه وکړه.
د اوبو او انرژي وزارت د اوبو معین ددغې لیدنې په ترڅ کې د پورتني پنجشیر بازارک سیندیزې فرعي حوزې روانې چارې وڅیړلې او د نوموړې حوزې د کړنو د ستاینې تر څنګ یې د پنجشیر ولایت په دره، آبشار، حصه اول خنج او پریان ولسوالیو کې د اوبو څلورو منځني بندونو د جوړولو په برخه کې د همکاري ژمنه وکړه.
