د کندهار د ارغنداب ولسوالي د جوۍ لاهور لوی کانال د پاک کارۍ چارې پیل شوې
نوموړی کانال د ارغنداب رود فرعي حوزې ریاست دمسئولينو په سر پرستي کې ، د افغاني ټولنې او بیا رغوني موسسي یا ACHRO او UNHCR نړیوال سازمان استازي، مهاجرینو ریاست محترمو استازو،د ارغنداب ولسوالي مسئولينو او قومي مشرانو له لوري د پرانیستنې پټۍ پرې کړل شوه.
نوموړی کانال چي ۲۰ کیلومتره اوږدوالی او ۴ متره سور لري د ۶۰۰ تنو محلي اوسیدونکو له لوري د ۴۰۰ افغانیو ورځني مزد په بدل کې پاکېږي.
په ياده پرانست غونډه کې د ارغنداب سیندیزې فرعې حوزې رياست مسئولينو د یادې موسسې څخه مننه وکړه، چې خلګو ته یې د کار زمینه برابره کړې ، او هم يې د کرنې لپاره د کانالونو د پاکولو برخه غوره خدمت وباله، او زیاته یې کړه چې اسلامي امارت د دغه ډول پروژو ملاتړ ته ژمن او په هره برخه کې ورسره همکار دی.
د ارغنداب اوسیدونکو، دیني عالمانو او ولسي مشرانو د کاري زمیني برابرول یو غوره اقدام وباله.
دوی د نړیوالو موسساتو د ياد رياست او اسلامي امارت د دغه ډول اقداماتو ستاینه وکړه او غوښتنه يې وکړه ، چې د ځوانانو لپاره ورته غوره کاري زمیني برابري کړي
