د فاریاب ولایت د المار بند د پروژې د قرار داد د لغوه کېدو د څېړلو او د حسابونو د تصفیې په موخه د همغږي ناسته ترسره شوه
دا ناسته د اوبو او انرژي وزارت د اوبو معین ښاغلي انجنیر مجیب الرحمن عمر آخندزاده، د وزارت د حقوقي سلاکارانو، د پروژو د کیفیت کنټرل او د تدارکاتو د رئيس په ګډون جوړه شوه.
په یاده ناسته کې، د فاریاب ولایت د المار بند د پروژې د قرارداد د سندونو د لغوه کېدو بررسي، د پروژې د وضعیت څېړلو او د هغې د حسابونو د تصفیې لپاره د لازمو اقداماتو په هکله بحث او دنظر تبادله وشوه.
د اوبو معین دیادې موضوع په هکله تر هر اړخیز بحث وروسته د لازمو اجراآتو په موخه اړوندو مسؤلینو ته لازم هدایات ورکړل.
