د انرژي معینیت اونیزه ناسته د رئيسانو د راپورونو د څېړنې او د یاد معینیت د یو شمېر پروژو د ستونزو د هوارولو په هکله ترسره شوه
یاده ناسته، د اوبو او انرژي وزارت د انرژي معین ښاغلي ملا محمد عیسی ثاني تر مشري لاندې د وزارت د انرژي سکتور د رئيسانو او مسؤلینو په شتون کې ترسره شوه.
په دې ناسته کې، د انرژي ښاغلي معین خلکو ته د رښتیني خدمتونو د رسولو د توفیق غوښتنې ترڅنګ، رئيسانو او نورو ټولو مسؤلینو ته د چارو د ښه والي په پار لازم هدایات ورکړل او ټینګار يې وکړ ، چې هر څوک د خپلې دندې د لایحې سره سم په خپلې کاري ساحه کې فعالیت وکړي ، ترڅو د وظیفوي تداخل څخه مخنیوي وشي.
په ورته وخت کې، یو شمېر رئيسانو خپل کاري راپورونه د انرژي معین حضور ته وړاندې کړل او همدارنګه توظیف شوې کمیټې د جغتو ولسوالي د برېښنا اوبيزې تولیدي کوچني دستګاه او د بدخشان ولایت د شورابک بند پروژې د وضعیت د څېړلو او ستونزو د هوارولو په هکله خپل راپورونه د انرژي له معین سره شریک کړل.
