ننګرهار ولایت کې د دوه کانالونو د بیارغونې او پاکاري چارې د څه باندې دوولس میلیونه افغانیو په ارزښت پیل شوې
د ننګرهار ولایت په ګوشتي ولسوالي کې د بایزي او خیربندي کانالونو د بیارغونې او پاکاري چارې د دوولس میلیونه، اته سوه او شپږویشت زره او نه سوه اووه شپیته افغاینو په ارزښت(۱۲۸۲۶۹۶۷) پيل شوې.
د یادو کانالونو په پاکاري سره به د سلګونو هکتاره کرنیزې ځمکې د خړوبولو زمینه برابره شي.
د دې پروژې چارې د ننګرهار سیندیزې حوزې د مسؤلینو ترڅارنې لاندې د UNDP سازمان په مالي ملاتړ د اسلامیک ریلیف موسسې له خوا پلي کېږی او کار به یې د دریو میاشتو په موده کې بشپړ شي.
په ورته مهال، د ننګرهار سیندیزې حوزې مسؤلینو د یاد ولایت په سرخرود ولسوالي کې د بالا باغ کلي کې دیوه کانال د ساختماني چارو څخه څارنه ترسره کړه.
همدارنګه د ننګرهار سیندیزې حوزې مسؤلینو په یاد ولایت کې د ۱۶ صنعتي او تولیدی فابریکو او موټر شویانو د اوبو ارقام را ټول کړل، ترڅو د هغوی د اوبو د لګښت لپاره منظم پلان چمتو شي او ورته د اوبو د سپما په هلکه لپاره لازمې سپارښتنې وشوي.
