د اوبو او انرژي وزارت د پایداره انرژي او د افغانستان برېښنا شرکت د یو شمېر مسؤلینو ترمنځ د همغږي ناسته ترسره شوه
یاده ناسته چې د اوبو او انرژي وزارت د پایداره انرژي رئيس ښاغلي مومن بسمل تر مشري لاندې ترسره شوه، د وزارت او د افغانستان برېښنا شرکت د عملیاتي معاونیت د نوي کېدو وړ انرژی ریاست له استازو سره د انرژي اغیزمنتوب په برخه کې د همغږي او کاري پلانونو په هکله بحث او دنظر تبادله وشوه.
د ناستې په بهیر کې، د دواړو لورو مسؤلینو د خپلو کړنو او پروګرامونو په هکله معلومات وړاندې کړل او هوکړه یې وکړه چې د لنډ مهاله، منځ مهاله او اوږد مهاله کاري پلان په چمتو کولو باندې په ګډه سره کار وکړي.
له هغه ځایه چې د اوبو او انرژي وزارت د پایداره انرژي او د افغانستان برېښنا شرکت د عملیاتي معاونیت د نوي کېدو وړ انرژي ریاست مسؤلین د انرژي د اغیزمنې او ګټورې ګټې اخیستنې د پروګرامونو د پلي کولو لپاره در انرژي د اغېزمنتوب په برخه کې کار کوي؛ د همدي لپاره د دواړو لورو مسؤلینو د انرژي اغیزمنتوب پروګرامونو د پوهاوي ورکولو د پلي کېدو په برخه کې د ګډې همکاري او همغږي په رامنځته کولو باندې ټینګار وکړ.
