فاریاب ولایت کې د هزاره کلا کانال جوړونې او پاکاري پروژې چارې به ډير ژر بشپړې او ګټې اخیستنې ته وسپارل شي
د هزاره کلا کانال جوړونې او پاکاري پروژې چارې چې د فاریاب ولایت په چهل ګزي ولسوالي کې د ۲۳ زره او ۶ آمریکایي ډالرو په لګښت پرمخ وړل کېږي، ۹۵ سلنه بشپړې شوې دي.
د فاریاب د اوبو او انرژي ریاست مسؤلینو د نوموړې پروژې د چارو له بهیر څخه څارنه وکړه او اړوندو مسؤلینو ته یې د چارو د غوره پرمخ وړلو په موخه اړینې لارښوونې وکړې.
د دغې پروژې چارې د ایف، اې، او موسسې په مالي لګښت د فاریاب د اوبو او انرژي ریاست تر څارنې لاندې پرمخ وړل کېږي، چې د چارو په بشپړېدو سره به یې پراخې کرنیزې ځمکې خړوبې شي.
