د هریرود- مرغاب عمومي حوزوي رئيس له اوبو څخه پر معقولې ګټې اخیستنې باندې ټینګار وکړ
د هریرود- مرغاب عمومي حوزوي رئيس محترم مولوي عبدالسلام مستوفي آغا او د هرات د اوبو او انرژي رئيس محترم سردار عزیزي او ورسره مل تخنیکي ټیم په هغه ناسته کې چې په انجیل ولسوالي کې د هغې ولسوالي د ولسوال په شتون کې د اوبو کموالي کړکیچ د مدیریت په هکله جوړه شوې وه، ګډون وکړ.
په دغه ناسته کې، ښاغلي مستوفي آغا د اوبو د اوسني وضعیت او له اوبو څخه د غوره ګټې اخیستنې د ډولونو په هکله خبرې وکړې او له اوبو څخه پر معقولې ګټې اخیستنې باندې ټینګار وکړ.
همدارنګه، د نوموړو ریاستونو تخنیکي ټیمونو د باران اوبو د راټولولو له لارې د ځمکې لاندې اوبو پياوړتیا د ډولونو او اغېزمنتیا په هکله بشپړ معلومات وړاندې کړل.
