غور ولایت کې د یوه چکډم پروژه د څه باندې ۹ میلیونه افغانیو په لګښت بشپړه او ګټې اخیستنې ته وسپارل شوه
د غور ولایت په دولینه ولسوالي کې د تربولاق زیرتنګی چکډم پروژه د ۹ میلیونه، ۱۰۵ زره او ۴۷۳ افغانیو په لګښت بشپړه او د غور د اوبو او انرژي رئيس محترم ملا رحمت الله اماني، د هریرود- مرغاب عمومي حوزوي ریاست د سلاکار محترم انجنیر سید حسن فضلي، د غور ولایت مقام د استازي او یو شمېر نورو سیمه ایزو مسؤلینو په شتون کې ګټې اخیستنې ته وسپارل شوه.
ښاغلي اماني د نوموړې پروژې ګټې ته د سپارلو په مراسمو کې د اوبو د ارزښت او سپما په هکله خبرې وکړې او د دغې پروژې له ګټې اخیستونکو څخه غوښتنه وکړه، چې ورڅخه په سمه توګه ګټه پورته او بنسټیز مراقبت یې وکړي.
د نوموړي چکډم زیرمه ایزه وړتیا ۶۵۰۰ متره مکعب ده،چې د اوبو د ضایعاتو د مخنیوي او د موسمي او دایمي اوبو د راټولولو په موخه جوړ شوی دی.
دغه چکډم د اوبو او انرژي وزارت له پراختیایي بودجې څخه د غور د اوبو او انرژي ریاست تر څارنې لاندې جوړی شوی، چې په نوموړې ولسوالي کې به د اوبو د کموالي ستونزې د هواریدو لامل شي.
