د اوبو او انرژي وزارت دکارمندانو د وړتیا لوړونې په موخه درې ورځنۍ ښوونیزه برنامه د « پروپوزل لیکنه، اقتصادي شننه او (IRR)» تر سرلیک لاندې جوړه شوه
دغه برنامه د اوبو او انرژي وزارت د مالي او اداري عمومي ریاست تر چتر لاندې د کارکوونکو چارو ریاست له لوري د پنج آمو او شمال عمومي حوزوي ریاستونو او د مرکز او ولایتونو د اوبو او انرژي یاستونو د یو شمېر کارمندانو د مسلکي پوهې د کچې لوړولو په موخه جوړه شوه.
د دغې ښوونیزې برنامې په بهیر کې، ګډونوال د پروپوزل لیکلو د معیاري جوړښت، پړاوونو او ډولونو، همدارنګه د اقتصادي مفاهیمو او شننې د ډولونو لکه د پانګې د بېرته راستنېدو کچې د بیې(IRR) محاسبه کولو سره پېژندګلوي ومونده.
د یادونې وړده، چې په بېلابېلو برخو کې د وړتیا لوړولو ښوونیزو برنامو په لاره اچول، د اوبو او انرژي وزارت د کارکوونکو چارو ریاست له لومړیتوبونو څخه دي، او دغه برنامې به په دومداره توګه د وزارت د کارمندانو د مسلکي وړتیا لوړولو په موخه دوام و مومي.
