کاپيسا ولایت کې د یوه ذخیروي بند او د درې سیلبرونو د ټینګښت پروژو تخنیکي سروې ترسره شوه
د کاپیسا د اوبو او انرژي ریاست تخنیکي ټیم د دغه ولایت په کوهبند ولسوالي کې د ملنګخېلو ذخیروي بند، په تګاب ولسوالي کې د تترخېلو او شینکي کلي سیلبرونو د ټینګښت او په آله سای ولسوالي کې د بازار لاندې سیلبر د ټینګښت پروژو تخنیکي سروې ترسره کړه.
د نوموړو پروژو په پلي کېدو سره به سلګونه جریبه کرنیزه ځمکه او سلګونه کورونه د سیلاب له خطر څخه خوندي او موسمي اوبه به هم زېرمه شي.
