لوګر ولایت کې د محمدآغي ولسوالي اړوند د پانامي چکډیم پروژې چارې ۱۵ سلنه پرمخ تللې دي
۶/۲/۱۴۴۸ هـ ق مطابق ۳۰/۴/۱۴۰۵ هـ ل
د لوګر سیندیزې فرعي حوزې رئيس محترم مولوي عبدالقديم لياقت عمر او ورسره مل تخنیکي ټیم د پانامي چکډیم پروژې د چارو له بهیر څخه څارنه وکړه او اړوندو مسؤلینو ته یې اړینې لارښوونې وکړې.
د دغې پروژې چارې چې د ۱۰۹ زره آمریکایي ډالرو په لګښت د لوګر سیندیزې فرعي حوزې ریاست تر څارنې لاندې پرمخ وړل کېږي، تر اوسه پورې ۱۵ سلنه پر مخ تللې دي.
د نوموړې پروژې د چارو په بشپړېدو سره به د ځمکې لاندې اوبه تغذيه او په بېلابېلو موسمونو کې د کرنیزو ځمکو د خړوبولو لپاره ترې ګټه واخيستل شي.
