د باران د اوبو د راټولولو لومړنۍ پروژه پرانستل شوه

د ځمکې لاندې د اوبو د خوندي کولو په موخه د بامونو څخه د باران د اوبو د راټولولو لومړنۍ پروژه د اوبو د چارو د تنظیم د ملي ادارې د رئيس انجنير خان محمد تکل له لوري په داسې حال کې چې د دې ادارې تخنيکي مرستیال او ځينې رئیسانو هم ګډون درلود پرانیستل شو.

په دغه پروژه کې لس د اوبو ذخیره کوونکې څاه ګانې د شپږ تر اتو مترو په ژور والي سره د اوبو د چارو د تنظیم د ملي ادارې په محوطه او اوه نورې د دريايي حوزې ریاست په محوطه کې د اوبو د چارو د تنظیم د ملي ادارې له لوري د FAO دفتر په ملاتړ کیندل کېږي.

دغه پروژه د ۱۷۵۰۰ امریکايي ډالرو په لګښت د عقاب کابل بلخ کمپنئ سره تړون شوی، چې چارې يې په درې میاشتو کې بشپړېږي.

د یادولو وړ دی چې د اقتصادي عالي شورا د پرېکړې پر بنسټ ټولې دولتي ادارې مکلفې دي چې د بامونو څخه د باران د اوبو د راټولولو سیستم پلی کړي، تر څو د باران د اوبو د ضایع کولو څخه مخنيوي وشي.