په ۱۵ ولايتونو کې د اوبو سرچینو مديريت او پراختياي پلان د تنظيم په موخه د همغږۍ جلسه تر سره شوه
د ولسمشرۍ عالي مقام او د اوبو د چارو د تنظيم ملي ادارې په لارښونه، د يادې ادارې د تخنیکي مرستيال، ښاغلي انجنیر احمد ويس بصیري، اړونده رئيسانو او انجینرانو په شتون کې د جوزا میاشتې په ۲۸ د چهارشنبې په ورځ د اوبو سرچینو مدیريت او پراختياي پلان د تنظيم په موخه د پايتخت نږدې ولایتونو د همغږۍ جلسه تر سره شوه.
په ټوله کې په دغه جلسه کې په کابل، پروان، پنجشیر، کاپيسا، غزني، زابل، لوګر، وردګ، خوست، کونړ، پکتيا، پکتيکا، لغمان، نورستان او ننګرهار ولایتونو کې د ځمکې لاندې اوبو او سطحي اوبو وضعیت وه څېړل شوو.
همدارنګه د ټولو بشپړ شوو، کار لاندې او په پلان کې پروژو کانالونو، سربندونو، کاريزونو، چینو، د سیند غاړو تحکیمات، کوچنیو او متوسطو بندونو د بيارغونې بشپړ شوی لیست وړاندې شو او ټول معلومات یې په يو فارمټ کې ترتیب او تنظيم شول چې په راتلوونکې اونۍ کې به د نورو اجراتو لپاره د اوبو او ښاري پراختیا عالي شورا ته د بودیجې او عملي پروسې د منظورۍ لپاره وړاندې شي.
