د افغانستان د هایدرولوژي ملي ګمېټه د بیا ځل لپاره فعاله او لومړۍ ناسته یې د اوبو چارو د تنظیم ملي اداره کې تر سره کړه.
د افغانستان د هایدرولوژي ملي کمېټې لومړۍ جلسه د اوبو چارو د تنظیم ملي ادارې عمومي رئيس ښاغلي انجنیر خان محمد تکل په مشرۍ چې د دغې ادارې اوبو سرچینو رئيس انجنیر فایزالرحمن عزیزي او یو شمېر رئيسانو، د کابل او پولي تخنیک پوهنتون استادانو په شتون کې د اوبو چارو د تنظیم ملي اداره کې تر سره شوه.
په دغه ناسته کې د افغانستان د هایدرولوژي ملي کمېټې په اساسنامې، موخو، تشکیلاتو او عملي پلان په اړه بحث او د نظرونو تبادله وشوه.
د اوبو چارو د تنظیم ملي ادارې عمومي رئيس ښاغلي انجنیر خان محمد تکل په اوسمهال کې د افغانستان د هایدرولوژي کمېټې بیا فعالېدل د اوبو مدیریت او تنظیم په برخه کې مهم او ګټور یاد کړل.
ښاغلي تکل د کمېټو غړو څخه وغوښتل تر څو د کمېټې د غوره فعالیتونو په موخه د عمل مشخص پلان جوړ او په راتلوونکي غونډه کې یې د يو پرزنټېشن له لارې وړاندې کړي.
د اوبو چارو د تنظیم ملي اداره
