د ښارونو اوبو مدیریت سیمیز مرکز له لوري د همغږۍ غونډه تر سره شوه.
د ښارونو اوبو مدیریت سیمیز مرکز له لوري د همغږۍ غونډه تر سره شوه.
د ښاري اوبو مدیریت سیمیز مرکز د همغږۍ غونډه چې د سیمې ۱۸ هېوادونه او نورې نړیوالې ادارې یې غړیتوب لري په انلان بڼه تر سره شوه.
د دغه مرکز موخه د ښاري اوبو رسول او د فاضلاب خدماتو بهتروالي لپاره د سیمې هېوادونو تر منځ د علمي تحقیقاتو او تجربو شریکول او له نوې او معاصرې ټيکنالوژۍ ته لاسرسی دی.
په دغه انلاین ناسته کې د افغانستان په استازیتوب د افغانستان د اوبو چارو د تنظیم ملي ادارې عمومي رئيس ښاغلي انجنیر خان محمد تکل ګډون کړی و چې د ښاري اوبو مدیریت، اوبو رسولو، فاضلاب او نورو ورته پروګرامونو په اړه یې په ګډ بحث کې هر اړخیز معلومات وړاندې کړل.
ښاغلي تکل د ښاري اوبو مدیریت سیمیز مرکز کړنو او فعالیتونو تر څنګ د اوبو رسونې او فاضلاب د خدماتو د بهتروالي په موخه د ګډو علمي تحقیقاتو تر سره کولو، ظرفیت لوړونې، د معلوماتو او ټيکنالوژۍ انتقال او په سیمیزو همکاریو رڼا واچوله.
هغه زیاته کړه"د ځمکې لاندې اوبو څخه د غوره استفادې؛ د اوبو رسولو د خدماتو پراختیا او د ښاري اوبو مدیریت په موخه د اوبو چارو د تنظیم ملي ادارې او د سیمیز مرکز تر منځ د مشترکو علمي او عملي تحقیقاتو او ظرفیت جوړونې پروګرامونو د تر سره کولو غوښتنه وکړه تر څو د ښاري اوبو مدیریت پر مخ پرتې ستونزې او فرصتونه مشخص شي او د هغو په رڼا کې پراختیايي برنامې او پالیسې ترتیب او پر وړاندې یې عملي ګامونه پورته شي".
ښاغلي تکل خوښي وښوده چې د اوبو مدیریت سیمیز مرکز په چوکاټ کې به د سیمې هېوادونو او نړیوالو ټولنو تر منځ ناستې او علمي تحقیقات به د دې جوګه شي چې په سیمه کې د اوبو مدیریت په برخه کې د پام وړ مثبت بدلونونه را منځته شي.
د اوبو چارو د تنظیم ملي اداره
