د اوبو او انرژي وزارت سرپرست د پکتیا ولایت له والي سره وکتل
د اوبو او انرژي وزارت سرپرست ښاغلي ملا عبداللطیف منصور د خپل کار په دفتر کې د پکتیا ولایت له والي ښاغلي مولوي محمد علي جان احمد سره ولیدل.
په دغه لیدنه کې، د بیلابیلو موضوعګانو په ځانګړي ډول په پکتیا ولایت کې د اوبو د مدیریت پروژو د پلي کیدو او د انرژي د تولید په هکله بحث او د نظر تبادله وکړه.
د پکتیا ولایت والي ښاغلي احمد د یاد ولایت د خلکو ستونزې او وړاندیزونه د اوبو او انرژي وزارت د رهبري سره شریکي کړي او په یاد ولایت کې یې د خلکو د ستونزو د هغوی د پام غوښتنه وکړه.
د اوبو او انرژي وزارت سرپرست ښاغلي ملا عبداللطیف منصور د پکتیا ولایت والي ته ډاډ ورکړ، چې د شته امکاناتو په پام کې نیولو سره به اوبو او انرژي ته دپکتیا ولایت د خلکو د لاس رسي لپاره ټولې ممکنې هلې ځلې وشي.
