د کاپیسا ولایت د لویو پروژو د بررسي په موخه د یاد ولایت د سیندیزې حوزې په مرکزي دفتر کې د اړونده ادارو ترمنځ د همغږي ناسته ترسره شوه
یاده ناسته د کاپیسا ولایت د فرعي سیندیزې حوزې د رئيس ښاغلي انجنیر کاوه خروش، د ټولګټو او کلیو پراختیا وزارتونو د تخنیکي پلاوي په ګډون جوړه شوه او پکې د نجراب سړک د پروژې په هلکه بحث او د نظر تبادله شوه.
د کاري پلان د شریکولو وروسته د وزارتونو او اړوندو ادارو یو ګډ تخنیکي پلاوي د یادې پروژې د تخنیکي بررسي په موخه نجراب ولسوالي ته ولاړ او خپله تخنیکي څېړنه یې پیل کړه. یاد پلاوی به د سفر په پای کې خپل وروستی راپور اړوندو ادارو ته وړاندې کړي.
