د شاه و عروس بند د کار د چټکتیا په موخه د همغږي ناسته ترسره شوه
یاده ناسته د اوبو او انرژي وزارت د سرپرست وزیر ښاغلي ملا عبداللطیف منصور، د اوبو معین ښاغلي انجنیر مجیب الرحمن عمرآخندزاده، د قراردادي شرکت رئيس او د یو شمېر نورو تخنیکي مسؤلینو په ګډون ترسره شوه.
په یاده ناسته کې، د شاه وعروس بند د پروژې د وضعیت راپور د تخنیکي مسؤلینو او د قراردادي شرکت له خوا د وزارت د رهبري حضور ته وړاندې شو او همدارنګه د پروژې د پاتې چارو د پلي کېدو په برخه کې پر لازمو همغږیو باندې بحث او دنظر تبادله وشوه.
د اوبو او انرژي وزارت سرپرست وزیر ښاغلي ملا عبداللطیف منصور د پروژې اهمیت ته په کتو، اړونده مسؤلینو ته لازم هدایات ورکړل او د پاتې چارو پر چټکتیا باندې ټینګار وکړ.
