د اوبو او انرژي وزارت سرپرست وزیر د اهل تشیع له یو شمېر مشرانو سره وکتل
د اوبو او انرژي وزارت سرپرست وزیر ښاغلي ملا عبداللطیف منصور د افغانستان د اهل تشیع له یو شميرمشرانو سره وکتل اود هغوی د ستونزو د هوارولو په هکله یې بحث او د نظر تبادله وکړه.
په یاده لیدنه کې، د اهل تشیع مشرانو خپلې ستونزې او وړاندیزونه د اوبو او انرژي وزارت د سرپرست وزیرسره شریک کړل او په شیعه میشتو ساحو کې یې د اوبو د مدیریت او د انرژي د پراختیایي پروژو د پلې کولو غوښتنه یې وکړه.
د اوبواو انرژي وزارت سرپرست وزیرد اهل تشیع مشرانو د ستونزو او وړاندیزونو تر آورېدلو وروسته هغوی ته ډاډ ورکړ، چې د شته امکاناتو په پام کې نیولو سره او د افغانستان اسلامي امارت د پالیسي سره سم به د هغوی ستونزو او اړتیاوو ته رسیدګي وشي.
