د اوبو او انرژي سرپرست وزیر د افغانستان د بلوڅانو د انسجام د سرتاسري شورا له رئيس او یو شمېر غړو سره وکتل
د اوبو او انرژي سرپرست وزیر محترم ملا عبداللطیف منصور د افغانستان د بلوڅانو د انسجام د عمومي سرتاسري شورا رئيس محترم سردار غلام نبي بلوڅ او د نوموړې شورا له یو شمېر غړو سره وکتل.
په دغه کتنه کې، د افغانستان د بلوڅانو د انسجام د سرتاسري شورا مسؤلینو او غړو د افغانستان د اسلامي امارت څخه د خپل ملاتړ په څرګندولو سره د اوبو او انرژي وزارت د رهبري مقام کړنې هم وستایلې.
د نوموړې شورا مسؤلینو او غړو په نیمروز ولایت کې د اوبو د کموالي او همدارنګه په کابل ښار کې د څښاک اوبو د کموالي ستونزې د اوبو او انرژي له سرپرست وزیر سره شریکې کړې او د وزارت د رهبري مقام څخه د همکاري غوښتنه وکړه.
د اوبو او انرژي سرپرست وزیر په دغه کتنه کې، د هغوی جهاد ، قربانۍ او اتلولي وستایل او هغوی ته یې ډاډ ورکړ، چې مونږ هڅه کوو چې ستاسو د اوبو د کموالي ستونزې ته رسیدګي وشي.
