د اوبو او انرژي سرپرست وزیر د بدخشان له والي سره وکتل
د اوبو او انرژي سرپرست وزیر محترم الحاج ملا عبداللطیف منصور په داسې حال کې چې د بدخشان انرژي رئیس محترم عزیز علي شاه او د یو شمېر سیندیزو حوزو رئیسانو یې ملتیا کوله، د بدخشان ولایت له والي محترم الحاج مولوي محمد ایوب سره وکتل.
په ورته مهال د یاد ولایت والي او مسؤولینو د اوبو او انرژي سرپرست وزیر له راتګ څخه خوښي څرګنده کړه او ښه راغلاست یې ورته وویل.
په یاده لیدنه کې د بدخشان ولایت د اوبو او برېښنا اړوند په ستونزو، وړاندیزونو او غوښتنو بحث او د اندونو تبادله وشوه.همدارنګه د اوبو او انرژي سرپرست وزیر د شته امکاناتو په پام کې نیولو سره د دوي ستونزو او غوښتنو ته د رسیدګي ډاډ ورکړ.
