د بامیان سیندیزې فرعي حوزې اړوند د واورې او باران اوبو د راټولولو پروژې د پلي کولو چارې پيل شوې
د پورتني کندز(بامیان) سیندیزې فرعي حوزې مسؤلینو د موسمي اوبو د مدیریت او د ځمکې لاندې اوبو سرچینو د پیاوړتیا په موخه د واورې او باران اوبو د راټولولو پلان په دولتي ودانیو، عامه تاسیساتو او د اوبو رسولو په شبکو کې پیل او د ولایت په اداري ناسته کې وړاندې کړه.
د نوموړي پلان پر بنسټ د دولتي ادارو ټولې ودانۍ سروې او بر آورد شوې او د احجامو بیل یې له اړوندو ادارو سره شریک کېږي.
د نوموړي سیسټم په پلي کېدو سره، د جذبي څاګانو له لارې موسمي اوبه په خوندې توګه د ځمکې په پوړونو کې تزریق کيږي او د ځمکې لاندې اوبه به پياوړي شي.
