د کندهار ولایت د خلکو استازو ته د دهلې بند د حریم او حدودو اړوندو ستونزو د هوارولو په موخه ډاډ ورکړ شو
د ارغنداب سیندیزې فرعي حوزې رئيس محترم ملا سید محمد شرافت او د دغه ریاست تخنیکي ټیم د کندهار ولایت د لوړ شاه ولیکوټ د خلکو له استازو سره وکتل او د دهلې بند د حریم او حدودو اړوندو ستونزو په هکله یې بحث او د اندونو تبادله وکړه.
په دغه لیدنه کې، د نوموړې حوزې رئيس د نوموړي بند د ستونزو د هوارولو په موخه د لوړ شاه ولیکوټ ولسوالي استازو ته ډاډ ورکړ.
