بامیان ولایت کې د سیلابونو له ګواښ څخه د دوشقدم هایدرولوژیکي استیشن د ساتنې او مراقبت لپاره اړوندو مسئولینو ته اړینې سپارښتنې وشوې
د بامیان سیندیزې فرعي حوزې رئیس الحاج ملا محمد داود علي په یکاولنګ نمبر دوه ولسوالي کې د دوشقدم استیشن څخه لیدنه وکړه او د سیلابونو له ګواښ څخه د یاد استیشن د ساتنې او مراقبت لپاره یې اړوندو مسئولینو ته اړینې سپارښتنې وکړې.
د یادونې وړ ده، چې د سیلابونو له ګواښ څخه د یاد استیشن د ساتنې او مراقبت لپاره پریکړه وشوه، چې د سیمې د اوسیدونکو په همکاري سره د اتو مترو په اوږدوالي یو ګبیونې دېوال جوړ شي، چې د یکاولنګ نمبر دوه ولسوال هم په دغه برخه کې د همکاري ډاډ ورکړ.
