بغلان ولایت کې د ۳۰۰ مېګاواټه حرارتي برېښنا د تولید په هکله د همغږۍ ناسته ترسره شوه
په دغه غونډه کې د بغلان ولایت د اوبو او انرژي ریاست تخنیکي ټیم د ازبکستان هېواد، د برېښنا شرکت ریاست او د شمال د ډبرو سکرو د تصدي ریاست له استازو سره د ۳۰۰ مېګاواټه حرارتي برېښنا په هکله بحث او د اندونو تبادله وکړه.
د یادولو وړ ده چې دواړو خواوو د نوموړې پروژې اړتیاوو په پام کې نیولو سره هوکړه وکړه او د هغې اقتصادي، ټولنیزې او چاپیریالي مطالعاتو زمینه به هم برابره شي.
