خوست اوبو او انرژي ریاست کې د انرژي سروې او ارزونه ترسره شوه
د برېښنا انرژي سکتور د پایدارې پراختیا، د انرژي ساتنې او اغېزمنتیا د ترویج او ښه والي په موخه، د پایدارې انرژي عمومي ریاست - د انرژي ساتنې او اغېزمنتیا ریاست تخنیکي ټیم د خوست اوبو او انرژي ریاست کې د انرژي سروې او ارزونه ترسره کړه.
نوموړې سروې او ارزونه د نوموړي ریاست پر بام باندې د سولر سیسټم د امکان سنجي مطالعاتو د ترسره کولو په موخه ترسره شوه.
د دغو مطالعاتو پایلې به د برېښنا لګښت د کمولو، د انرژي د اغېزمنې استفادې د لوړولو او په امارتي ادارو کې د نوي کېدو وړ سرچینو د پراختیا په موخه وکارول شي.
