په ننګرهار ولایت کې د چغري چکډیم جوړولو پروژې چارې شاوخوا ۹۵ سلنه بشپړې شوې دي
۱۴۴۸/۳/۲۰ هـ ق مطابق ۱۴۰۵/۶/۱۲ هـ ل
د لاندني کابل سیندیزې فرعي حوزې (جلال آباد) ریاست مسؤلینو د ننګرهار ولایت په چپرهار ولسوالي کې د چغري چکډیم جوړولو پروژې د چارو له بهیر څخه څارنه وکړه.
د یادې پروژې چارې شاوخوا ۹۵ سلنه بشپړې شوې او د چارو په بشپړېدو سره به یې د ځمکې لاندې اوبه تغذیه، د سېلابونو اوبه مهار او استوګنیزکورونه د سېلابونو د خطر له ګواښ څخه خوندي شي.
د یادونې وړ ده، چې په یاده پروژه کې لسګونو کسانو ته د کار زمینه برابره شوې ده.
