داوبو په اړه ځانګړی ناسته.
د اوبو او انرژۍ وزارت د اوبو مرستیال ښاغلی انجینر خان محمد تکل:
د افغانستان د ښاري اوبو رسولو او کاناليزاسيون عمومي شرکت خپل ډیری فعالیتونه د سطحي اوبو سرچینو په ځانګړي توګه د لوګر، پنجشیر او قرغې اکوفیرنونو څخه کابل ته د اوبو رسولو د عملی پلان باندې تمرکز وکړئ.
په کابل ښار کې د اوبو تامین په اړه د تیرو تخنیکي غونډو په لړ کې، د روان کال د زمري میاشتې په «۲۳» نېټه د اوبو او انرژۍ وزارت د اوبو مرستیال ښاغلی انجنیر خان محمد تکل په مشرۍ تخنیکي غونډه د کابل ولایت مرستیال په حضور سره د کابل ښاروالۍ، د افغانستان د ښاري اوبو رسولو او کاناليزاسيون شرکت او د پلازمېنې زون د پراختيا ادارې استازو په ګدون په دې وزارت کې جوړه شوه.
په دې ناسته کې ښاغلی تکل د غونډه غړو ته د ښه راغلاست ترڅنګ د افغانستان د ښاري اوبو رسولو او کاناليزاسيون شرکت له استازو وغوښتل چې د کابل ښار په کچه د اوبو رسولو د شبکې پلان تشریح کړي.
د افغانستان د ښاري اوبو رسولو او کاناليزاسيون شرکت، تخنیکي رییس ښاغلی انجنیر محمد لطیف مظفرخیل، د دې ادارې د اوبو رسولو شبکې پلان د پریزنټشن وړاندې کولو سره وویل: موږ هڅي کوو چې ژر تر ژره د ځمکني اوبو او سطحې اوبو سرچینو لکه د لو ګر، علاوالدین پنجشیر او د قرغه اکوفیرنونو څخه د اوبو رسولو میزان په راتلونکو کلونو کې وده ورکړو.
د اوبو مرستیال ښاغلی انجینر خان محمد تکل د افغانستان د ښاري اوبو رسولو او کاناليزاسيون عمومي شرکت استازو ته ټینګار وکړ ترڅو خپل ډیری فعالیتونه د سطحي اوبو سرچینو په ځانګړي توګه د لوګر، پنجشیر او قرغې اکوفیرنونو څخه کابل ته د اوبو رسولو د عملی پلان باندې تمرکز وکړئ.
ښاغلی تکل د کابل ښار د اوبو ارزښت ته په اشارې له کابل ښاروالۍ او د پلازمېنې زون د پراختيا ادارې استازو څخه وغوښتل چې د کابل ښار د اوبو تامینولو په پروسه کې د افغانستان د ښاري اوبو رسولو او کاناليزاسيون عمومي شرکت سره همکاري وکړي.
دا په داسي حال کی دی چی په کابل کې د اوبو د تامینولو په موخه متعددی ناستې د دې وزارت د اوبو مرستیال، د کابل ښاروالۍ، د افغانستان د ښاري اوبو رسولو او کاناليزاسيون عمومي شرکت او د پلازمېنې زون د پراختيا ادارې استازو ترمنځ ترسره شوی خو پدی وروستی کې د مسلې د دیر ارزښت په پاملرنه او د اوبو مرستیال په تینګار سره، په کابل ښار کې د اوبو رسولو ستونزه د حلولو لپاره د اوبو او انرژۍ وزارت جدي پاملرنه کوي.
