د « ولس او بخش آباد» بانکي حساب د مدیریت د کړنلارې د وروستي کولو په موخه د همغږۍ ناسته ترسره شوه
دغه ناسته د اوبو او انرژي وزارت د دفتر عمومي رئيس محترم قاري محمد عبدالعزیز عزیز تر مشري لاندې د مالیې، اقتصاد، صنعت او سوداګري ، حج او اوقاف او ترانسپورټ او هوایې چلند وزارتونو او د افغانستان بانک، پاسپورټ، ترافیکو او اترا ادارو د استازو په ګډون د اوبو او انرژي وزارت د غونډو په تالار کې ترسره شوه.
په دغه ناسته کې، د نوموړې کړنلارې په هکله په هر اړخیزه توګه بحث او د اندونو تبادله وشوه او همدارنګه د وروستي کولو په هکله یې اړین تصمیمونه ونیول شول.
