د افغانستان او پاکستان ترمنځ د انرژۍ په برخه کې د ګډو همکاریو په اړه خبرې اترې وشو
د کاسا – ۱۰۰۰ غونډې په حاشیه کې د اوبو او انرژي وزارت سرپرست ښاغلی انجنیر محمد گل خُلمی، د افغانستان د برښنا شرکت رییس ښاغلی انجنیر امان الله غالب او د نړیوال بانک استازو په حضور سره په جلا ناسته کې د پاکستان هیواد استازو سره ترسره شوه.
پدې ناستې کې ګډونوالو د افغانستان او پاکستان ترمنځ د انرژۍ د ګډو همکاریو څرنګوالی په اړه بحث او خبرې اترې وکړې. د دواړو هیوادونو د انرژي نښلولو، د انرژي پروژو په برخه کې د ګډو پانګه اچونو، د دواړو هیوادونو د برښنا سوداګرۍ وده، د دواړو هیوادونو اوږدمهاله همکارۍ او د مرکزي او سویلي آسیا هیوادونو ترمنځ د برښنا د لیږد او د افغانستان د رول په اړه پراخ بحثونه وشول.
په پای کې پریکړه وشوه چې د ډیورنډ لاین دواړو غاړو د مطالعه کولو لپاره تخنیکي ټیم رامنځته کړي ترڅو د انرژي تولید، د هغه نښلول او د دواړو هیوادونو ترمنځ د انرژي سوداګرۍ لپاره امکانات مشخص شي.
