د اقلیم بدلون او د سیلابونو او وچکالیو د وړاندوینې او خبراوی ورکولو تر سرلیک لاندې څلور ورځنی ښوونیز ورکشاپ د کابل په عمومي سیندیزه حوزه کې پیل شو
دغه څلور ورځنی روزنیز ورکشاپ د کابل سیندیزې عمومي حوزې او اړوندو سیندیزو فرعي حوزو د کارمندانو د وړتیا لوړولو په موخه د کابل سیندیزې عمومي حوزې د رئیس انجنیر حبیب الرحمن حقپال، د منځني کابل سیندیزې فرعي حوزې رئيس مولوي ولي محمد تائب او د سیندیزو فرعي حوزو د یو شمیر کارمندانو په شتون کې د یونیسف سازمان په مالي همکاري سره پیل شو.
د یادونې وړ ده، چې د دغه روزنیز ورکشاپ د جوړېدو موخه د اقلیم د بدلون او د اوبو پر سرچینو باندې د هغې د اغیزو د څرنګوالي، د اقلیمي بدلون د منفي اغیزو د راکمولو د لارو چارو، د سیلابونو او وچکالیو د راپیښېدو د څرنګوالي او د عصري مشاهداتي او سټلایټ دیټا د تحلیل میټودونو پر بنسټ د هغوی د وړاندوینې او خبراوي ورکولو د میکانیزمونو په برخو کې د کابل سیندیزې عمومي حوزې او اړوندو سیندیزو فرعي حوزو د کارمندانو د وړتیا لوړول دي.
