د انرژي زونونو د انسجام رئیس همکارانو ته ور وپېژندل شو
محترم مولوي حکمت الله آخندزاده د اوبو او انرژي وزارت د انرژي زونونو د انسجام د رئيس په توګه د وزارت مقام د دفتر عمومي رئيس او د انرژي معینیت د وارسي کوونکي محترم قاري محمد عبدالعزیز عزیز له خوا همکارانو ته ور وپېژندل شو.
د وزارت د دفتر عمومي رئيس او د انرژي معینیت وارسي کوونکي د انرژي زونونو د انسجام د رئيس د ورپېژندلو پر مهال په دولتي ادارو کې ادلون، بدلون یو اصل وګاڼه او په اخلاص او رښتینولي سره د چارو په پرمخ وړلو باندې یې ټینګار وکړ.
د یادونې وړ ده، چې محترم مولوي حکمت الله آخندزاده تر دې مخکې د کابل برېښنا د رئيس په توګه دنده ترسره کوله.
