د انرژي معینیت اداري او تخنیکي ناسته ترسره شوه
دغه ناسته د انرژي معین محترم الحاج ملا عبدالهادي یعقوب تر مشري لاندې د دغه معینیت د رئيسانو، سلاکارانو او یو شمېر تخنیکي مسؤلینو په شتون کې ترسره شوه.
په دغه ناسته کې اړوندو مسؤولینو د انرژي په برخه کې شته ستونزې شریکې کړې، په ځانګړې توګه د انرژي په زونونو کې د وسایطو او امکاناتو د کموالي او د راتلونکې کال لپاره د بودېجې د زیاتېدو په هکله یې د انرژي له معین سره بحث او د اندونو تبادله وکړه.
ښاغلي یعقوب د اړوندو مسئولینو د ستونزو او وړاندیزونو په اورېدلو سره زیاته کړه چې د راتلونکي کال بودیجه به د پلان سره سمه جوړېږي او شته ستونزې به هم هوارې او همدارنګه هغه اړوندو مسؤولینو ته د پوره همکارۍ ډاډ ورکړ.
