د انرژي معینیت اونیزه اداري او تخنیکي ناسته ترسره شوه
دغه ناسته د اوبو او انرژي وزارت د انرژي معین محترم الحاج ملا عبدالهادي یعقوب تر رهبري لاندې د دغه معینیت د رئيسانو، سلاکارانو او تخنیکي مسؤلینو په شتون کې ترسره او د تېرې غونډې د موضوعاتو د ارزونې په هکله بحث او د اندونو تبادله وشوه.
په دغه غونډه کې د تېرې غونډې د موضوعاتو لکه د ریاستونو د کاري پلانونو د تعقیب، د انرژي سکتور اړوند پراختیایي پروژو لپاره د عمومي پلان چمتو کولو، د برېښنا انرژي سکتور د ملي ستراتیژي او د پنځه کلن پلان د نوي کولو په هکله ترسره شوې پریکړې تر ارزونې لاندې ونیول شوې او اړوندو رئيسانو د نوموړو موضوعاتو په هکله خپل راپور وړاندې کړ.
د انرژي معین د رئيسانو او اړوندو مسؤلینو د راپور او وړاندیزونو تر اورېدو وروسته، اړوندو مسؤلینو ته د چارو د چټکتیا او غوره پرمخ وړلو په موخه اړینې لارښوونې او سپارښتنې وکړې.
