د انرژي معینیت تخنیکي او اداري ناسته ترسره شوه
دغه ناسته د انرژي معین محترم الحاج ملا عبدالهادي یعقوب تر رهبري لاندې د دفتر عمومي رئيس محترم قاري محمد عبدالعزیز عزیز او د انرژي سکتور رئيسانو، سلاکارانو او تخنیکي مسؤلینو په ګډون ترسره شوه.
په دغه ناسته کې، د انرژي سکتور اړوند موضوعاتو په ځانګړې توګه د ریاستونو د پلانونو د جوړولو ، د انرژي پراختیایي پلانونو، د پنځه کلن پلان، د برېښنا ملي ستراتیژي او د انرژي سکتور د ماستر پلان د پلي کولو په هکله بحث او د اندونو تبادله وشوه.
د انرژي محترم معین د رئيسانو د راپورونو او اندونو تر ارزولو وروسته، د انرژي د ځان بسیاینې په برخه کې د نوموړو پلانونو عملي کول اړین وبلل او د چارو د لا غوره تنظیم او سمون په هکله یې اړینې لارښوونې وکړې.
