د اوبو او انرژي سرپرست وزیر په بدخشان ولایت کې له شورابک بند څخه لیدنه وکړه.
د اوبو او انرژي سرپرست وزیر الحاج ملا عبداللطیف منصور په داسې حال کې چې د بدخشان انرژي رئیس عزیز علي شاه او یو شمېر سیندیزو حوزو رئیسانو یې ملتیا کوله، د شورابک بند څخه لیدنه وکړه.
په ورته مهال د یاد بند مسؤولینو د اوبو او انرژي سرپرست وزیر له راتګ څخه خوښي څرګنده کړه او ښه راغلاست یې ورته وویل.
همدارنګه د یاد بند او بدخشان انرژي مسؤولینو د اوبو او انرژي سرپرست وزیر سره خپلې غوښتنې او ستونزې شریکې کړې او د اوبو او انرژي سرپرست وزیر د دوي ستونزو او غوښتنو ته د شته امکاناتو په پام کې نیولو سره د رسیدګۍ ډاډ ورکړ.
په پای کې د اوبو او انرژي سرپرست وزیر د خبریالانو پوښتنو ته ځوابونه، او رسنیو ته بشپړ معلومات وړاندې کړل.
یاده دې وي چې یاد بند د AKDN لخوا په ۲۰۱۹ زیږیدیز کال کې جوړ شوی وو، چې د ۷ نیم مېګاواټه برېښنا د تولید وړتیا لري.
