د اوبو او انرژي سرپرست وزير بلخ ولايت ته سفر وکړ
د اوبو او انرژي سرپرست وزير محترم الحاج ملا عبداللطيف منصور او ورسره مل د وزارت سلاکار محترم ډاکټر فاروق اعظم بلخ ولايت ته سفر وکړ او دياد ولايت له والي محترم حاجي محمديوسف وفا سره يې وکتل
په دغه ليدنه کې، د بلخ والي په دغه ولايت کې د اوبو او برېښنا پروژو د پلي کولو غوښتنه وکړه او په دې برخه کې د خلکو شته ستونزې د اوبو او انرژي له سرپرست وزير سره شريکې کړې
په ورته مهال، د اوبو او انرژي سرپرست وزير په دغه ليدنه کې وويل چې د آمو سيند د غاړو د تحکيماتو او په دغه ولايت کې د وزارت اړوند د ټولو پروژو د چارو له بهير څخه څارنه کوي او دشته امکاناتو په پام کې نيولو سره به د اوبو او برېښنا په برخه کې ددغه ولايت د خلکو ستونزو ته رسيدګي وشي
