د اوبو او انرژي سرپرست وزیر د صیاد له سیمې څخه لیدنه وکړه
د اوبو او انرژي سرپرست وزیر محترم الحاج ملا عبداللطیف منصور او ورسره مل د وزارت یو شمېر تخنیکي مسؤلینو د صیاد له سیمې څخه لیدنه وکړه.
دغه لیدنه د اوبو سرچینو د ارزونې په موخه کابل ښار ته د څښاک اوبو د برابرولو لپاره ترسره شوه او د صیاد سیمه یو له هغو سیمو څخه ده چې د اوبو ورکولو لپاره د مناسبې وړتیا درلودنکي ده.
د دغې سیمې لومړني مطالعات د جاپان د جایکا موسسې او د اوبو او انرژي وزارت له لوري ترسره شوې او لا زیات مطالعات به یې په راتلونکي کې ترسره شي.
د تخنیکي مطالعاتو د ترسره کېدو وروسته، د بودجې او اړینو امکاناتو په چمتو کېدو سره به په راتلونکي کې له نوموړې سیمې څخه کابل ښار ته د اوبو د لېږد لپاره اړین اقدامات ترسره شي.
