د اوبو او انرژي سرپرست وزیر د فاریاب له والي سره وکتل
د اوبو او انرژي سرپرست وزیر محترم الحاج ملا عبداللطیف منصور د خپل کار په دفتر کې د فاریاب له والي محترم مولوي محمد شعیب رسالت سره وکتل.
په دغه لیدنه کې، د څنډو تحکیماتو د پروژو، د دهن درې بند جوړولو د پروژې او په هغه ولایت کې د برېښنا رسوني د پروژو په هکله بحث او د اندونو تبادله وشوه.
د اوبو او انرژي سرپرست وزیر د فاریاب والي ته ډاډ ورکړ، چې د متوازني پراختیا او شته امکاناتو په پام کې نیولو سره به په هغه ولایت کې د اوبو او برېښنا پروژو د پلي کولو په برخه کې اړین اقدامات ترسره شي.
