د اوبو او انرژي سرپرست وزیر د میدان وردګ ولایت د نرخ ولسوالي له مشرانو سره په هغې ولسوالي کې د اوبو او انرژي پروژو د پلي کولو په هکله خبرې وکړې
د اوبو او انرژي سرپرست وزیر محترم الحاج ملا عبداللطیف منصور د میدان وردګ ولایت د نرخ ولسوالي له یو شمېر مشرانو سره وکتل او په نوموړې ولسوالي کې د اوبو او انرژي پروژو د پلي کولو په هکله بحث او د اندونو تبادله وکړه.
په دغه لیدنه کې، د نوموړې ولسوالي مشرانو خپل وړاندیزونه د وزارت له رهبري سره شریک کړل او په نوموړې ولسوالي کې د چکډمونو، ذخیروي بندونو او برېښنا رسوني پروژو د پلي کولو غوښتنه وکړه.
د اوبو او انرژي سرپرست وزیر هغوی ته ډاډ ورکړ، چې د دغه وزارت له لوري به د شته امکاناتو په پام کې نیولو سره د هغوی ستونزو ته رسیدګي وشي.
