د اوبو او انرژي سرپرست وزیر د نغلو د ۱۰ میګاواټه لمریزې برېښنا له پروژې څخه د لېدنې پرمهال وویل چې دغه پروژه به په نږدې راتلونکي ګټې اخیستنې ته وسپارل شي
د اوبو او انرژي سرپرست وزیر محترم الحاج ملا عبداللطیف منصور او ورسره مل د دغه وزارت یو شمېر رئيسانو او د قراردادي شرکت مسؤلینو د نغلو د ۱۰ میګاواټه لمریزې برېښنا له پروژې څخه لیدنه وکړه.
ښاغلي منصور د نوموړې پروژې څخه د لېدنې پر مهال یادونه وکړه، چې د دغې پروژې چارې بشپړې شوې او په نږدې راتلونکي کې ګټې اخیستنې ته سپارل کېږي.
د اوبو او انرژي سرپرست وزیر د دغې پروژې پلي کول د انرژي د پراختیا په برخه کې یو مثبت ګام وباله او یادونه یې وکړه، چې عمومي شبکې ته د دغې پروژې د ۱۰ میګاواټه برېښنا په نښلولو سره به په کابل او ننګرهار کې د برېښنا ډیرې ستونزې هوارې شي.
د یادونې وړ ده، چې د نغلو د ۱۰ میګاواټه لمریزې برېښنا پروژه د اوبو او انرژي وزارت له لوري د عوفي بهرام خصوصي شرکت په پانګونې سره پلي شوې ده.
