د اوبو او انرژي سرپرست وزیر د هېواد د بېلابېلو ولایتونو د څو ولسوالیو له مشرانو سره وکتل او د اوبو او انرژي د پروژو په هکله یې خبرې وکړې
د اوبو او انرژي سرپرست وزیر محترم الحاج ملا عبداللطیف منصور د خوست ولایت د صبریو ولسوالي، د کاپیسا ولایت د تګاب ولسوالي، د میدان وردګ ولایت د نرخ ولسوالي، د غزني ولایت د قره باغ ولسوالي او د پکتیا ولایت د شاهي کوټ د کلي له مشرانو سره وکتل.
په دغه لیدنه کې، د نوموړو ولسوالیو مشرانو خپلې ستونزې او وړاندیزونه د اوبو او انرژي وزارت د رهبري مقام سره شریک کړل.
د اوبو او انرژي سرپرست وزیر هغوی ته ډاډ ورکړ، چې د متوازنې پراختیا او د شته امکاناتو په پام کې نیولو سره به د دوی ستونزو ته رسیدګي وشي.
