د اوبو او انرژي سرپرست وزیر د پکتیکا له مرستیال والي سره په هغه ولایت کې د اوبو او انرژي د پروژو د پلي کولو په هکله خبرې وکړې
د اوبو او انرژي سرپرست وزیر محترم الحاج ملا عبداللطیف منصور د خپل کار په دفتر کې د پکتیکا له مرستیال والي محترم مخدوم عبدالسلام سعادت سره وکتل.
په دغه لیدنه کې، د پکتیکا مرستیال والي په هغه ولایت کې د اوبو بندونو او سربندونو د پروژو د پلي کولو په برخه کې د وزارت د رهبري مقام د پاملرنې غوښتنه وکړه.
د اوبو او انرژي سرپرست وزیر د پکتیکا مرستیال والي ته ډاډ ورکړ، چې د اوبو او انرژي د پراختیایي پروژو د پلي کولو په برخه کې به هغه ولایت ته د شته امکاناتو په کتو سره رسیدګي وشي.
