د اوبو او انرژي سرپرست وزیر له الوان دښتې تر شبرغان پورې د برېښنا د لېږد مزي د پروژې د قراردادي شرکتونو د ډلې له مسؤلینو سره وکتل
د اوبو او انرژي سرپرست وزیر محترم ملا عبداللطیف منصور د سادات زاده شرکت له مسؤل محترم ذبیح الله اختري او له الوان دښتې تر شبرغان پورې د برېښنا د لېږد مزي د پروژې د قراردادي شرکتونو د ډلې له یو شمېر نورو مسؤلینو سره وکتل او د نوموړې پروژې د ستونزو د هوارولو په هکله یې بحث او د اندونو تبادله وکړه.
د اوبو او انرژي سرپرست وزیر د نوموړو شرکتونو مسؤلینو ته ډاډ ورکړ، چې د نوموړې پروژې د ستونزو د هوارولو په موخه به دغه موضوع اقتصادي کمېسیون ته وړاندیز شي، ترڅو مشخصه کمېټه د هغې وضعیت د څېړلو او د ستونزو د هوارولو لپاره وټاکل شي.
