د اوبو او انرژي سرپرست وزیر له یو شمېر متشبثینو او ملي سوادګرو سره وکتل
د اوبو او انرژي سرپرست وزیر محترم ملا عبداللطیف منصور په عربي متحده اماراتو کې د انرژي سلاکار محترم انجنیر حمیدالله صدیقي، په آمریکا کې د اسلامي تعلیماتو استاد محترم ډاکټر محمد داود نسیمي، په ترکیه کې د اقتصاد استاد محترم ډاکټر محراب الدین حمیدي او یو شمېر نورو متشبثینو او ملي سوداګرو سره وکتل او په هېواد کې یې د انرژي په پروژو کې د ګډو همکاریو په هکله بحث او د اندونو تبادله وکړه.
په دې کتنه کې، یو شمېر ملي سوداګرو د انرژي د پراختیا په برخه کې د همکاري لېوالتیا څرګنده کړه او هېواد ته یې د خدمت کولو لپاره چمتووالی وښود.
د اوبو او انرژي سرپرست وزیر د یادو سوداګرو د احساس ستاینه وکړه او یادونه یې وکړه چې په هېواد کې د انرژي پراختیا د افغانستان د ټولو خلکو همکاري ته اړتیا لري.
د اوبو او انرژي سرپرست وزیر، دوی ته د وزارت له خوا د همکاري ډاډ ورکړ او له هغوی څخه یې و غوښتل چې خپلې طرحې او لارې چارې دې د وزارت له تخنیکي ټیم سره شریکې کړي.
