د اوبو او انرژي له سرپرست وزیر سره د اوبو او برېښنا په برخه کې د کندز ولایت د خلکو ستونزې او غوښتنې شریکې شوې
د اوبو او انرژي سرپرست وزیر محترم الحاج ملا عبداللطیف منصور د آمو سیند د غاړو د تحکیماتو له رئيس او کارمندانو او د پنج آمو سیندیزې حوزې له عمومي رئيس او کارمندانو سره وکتل.
په دغه لیدنه کې، د نوموړو حوزو رئیسانو او د کندز ولایت قومي مشرانو د اوبو او برېښنا په برخه کې د خلکو ستونزې او غوښتنې د اوبو او انرژي له سرپرست وزیر سره شریکې کړې.
د اوبو او انرژي سرپرست وزیر په دغه لیدنه کې د نوموړو حوزو رئیسانو او د یاد ولایت قومي مشرانو ته ډاډ ورکړ، چې د اوبو او برېښنا په برخه کې به د دوی ستونزو ته په وخت سره رسیدګي وشي.
همدارنګه په دغه لیدنه کې، د اوبو او انرژي سرپرست وزیر د نوموړو سیندیزو حوزو مسؤلینو ته د چارو د غوره پرمخ وړلو په پار اړین هدایات ورکړل.
